29 ноября 2022, 14:39
Дзæуджыхъæуы ацыд æвзонг иртасджыты æрвылазон конкурс «Æрдззонаг»
30 сабийы сæ зонындзинæдтæ æвдыстой æртæ номинацийы
Алфамбылай дуне сывæллæтты цæстытæй. Дзæуджыхъæуы ацыд æвзонг иртасджыты æрвылазон конкурс «Æрдззонаг». 30 сабийы сæ зонындзинæдтæ æвдыстой æртæ номинацийы. Экологи, зайæгойты æмæ цæрæгойты зонадæй. Афæдзы дæргъы сывæллæттæ кодтой наукон иртасæн куыстытæ, æрфыстой сæ æмæ сæ равæрдтой конкурсы жюрийы уæнгтæм. Сæ иртæстытæ сты актуалон, зæгъæм йод кæй нæ фаг кæны скъоладзауты хæлцады. Æвзонг иртасджытæ сты 5-æм къласæй 8-æм къласы онг ахуырдзаутæ. Уыдон канд сæхицæн нæ гом кæнынц арф зонындзиндтæ, фæлæ ма ахуыр кæнынц алфамбылайы дунемæ зæрдæхæлар ахастдзинад гуырын кæнын. Ахæм мадзæлтты фæрцы сывæллæттæ æмхиц кæнынц наукон – иртасæн куыстытæм.
