филиал вгтрк государственная телерадиовещательная компания “Алания”

Дзæуджыхъæуы æртыккаг хатт ацыд сывæллæтты онлайн-медиафестиваль. Ацы аз у æппæтуæрæсеон. 10 азæй 18 азы онг кæуыл цæуы, ахæм 150 сывæллоны равдыстой сæ куыстытæ. Архайджытæ сты Ростовæй, Волгоградæй, Мæскуыйæ æмæ Калининградæй. Сæ командæтæ ацыдысты регистраци. Фестиваль цæудзæн 30-æм ноябрмæ. Медиафестивалы тематикæ алы аз дæр вæййы алыхуызон. Ацы аз архайджытæ хъуамæ видеоконтент сисой хъуыстгонд темæйыл. Радзурдзысты математикæ æмæ техникæ адæмы царды цы бынат ахсынц, уый тыххæй. Æдæппæтæй номинацитæ сты 5. Уыдонæй 4 арæзт сты командон куыстæн. Уæдæ хæрзиуджытæ дæр баст сты темæимæ.