Йæ автортæ – Æлборты фсымæртæ Аслан æмæ Виталий
Дзæуджыхъæуы байгом рагон æрмдæсныйады куыстыты равдыст. Йæ автортæ – Æлборты фсымæртæ Аслан æмæ Виталий. Экспозицимæ хаст æрцыдысты скифты хæцæнгарзы æмæ æрвылбоны уæлæдарæсы хуызтæ. Скодтой сæ, 1000 азы цы технологитыл цæуы, уыдонмæ гæсгæ. Зæгъын ма хъæуы уый дæр, æмæ Æлборты фсымæртæ кусынц 30 азы бæрц. Æмæ уыцы рæстæгмæ сарæзтой 800 цыргъагæй фылдæр. Уæдæ равдысты ис зындгонд нывгæнджыты куыстытæ дæр – Цæллагты Викторы æмæ Айларты Таймуразы нывтæ. Кадджын мадзалмæ хуынд æрцыдысты республикæйы сæргълæууæг Сергей Меняйло æмæ Дзæуджыхъæуы администрацийы разамонæг Милдзыхты Вячеслав. Нæ рагфыдæлты цардыуаг мастертæ ферох кæнын кæй нæ уадзынц, уый тыххæй сын нæ республикæйы сæргълæууæг балæвар кодта нæ эрæйы 1-æм æнусы хæцæнгарзы хуыз.
