Æххæстæй сног кодтой æртæ корпусы
Дзæуджыхъæуы бындурон цалцæджы фæстæ байгом 11-æм скъола. Æххæстæй сног кодтой æртæ корпусы. Сывæллæттæн арæзт æрцыдысты æппæт уавæртæ: нырыккон кусæнгæрзтæ, хъæддзаума, стæй спортæн дæр æмбæлгæ фадæттæ. Базылдысты хæринаггæнæн блокмæ æмæ спортивон залмæ. Рацарæзты фæстæ ног скъола бабæрæг кодта не сфæлдыстадон къорд.
Паддзахадон тырысатæ кадджын уавæры рахастой. 11-æм скъола байгом кæнынмæ æнхъæлмæ кастысты цалдæр азы. Ацы цау æцæг бæрæгбон у. Ныр ам ис 3 корпусы. Иу дзы ногæй арæзт у – ахуыр дзы кæны райдайæн скъола. Реконструкцигонд æрцыд историон бæстыхай дæр – культурон намысы объект. Советон рæстæджы конд уæлæмхасæн бæстыхай йæ фæзуатмæ гæсгæ у æппæтæй стырдæр (на кадрах у Юли). Ам кълæстæй уæлдай ма ис хæрæндон æмæ спортзал. Сывæллæттæй раздæр скъола федта республикæйы сæргълæууæг Сергей Меняйло. Æрзылд æппæт уæладзгуытыл, бакаст алы кабинетмæ дæр.
Скъоламæ базилыны хъуыддаг адæргъвæтин 11 азмæ, фыццаджыдæр, гæххæттыты тыххæй. Чи рабæрæг, культурон намысы уыцы объектты регионалон реестрмæ хаст куы æрцыд, уæд райдыдтой активон куыстытæ. Уыимæ, республикæйы разамонæджы ныхæстæм гæсгæ, сæйрагдæр уыд скъола тагъд сцалцæг кæнын нæ, фæлæ цæмæй куыстытæ æппæт домæнтæм гæсгæ æххæст уой.
Ам ахуыр кæны мин сывæллонæй фылдæр. Цалынмæ сын сæ ахуыргæнæндон цалцæг кодтой, уæдмæ цыдысты Дзæуджыхъæуы иннæ скъолатæм.
Кълæсты интерактивон фæйнæджытæ, алыхуызон техникон фæрæзтæ. Алцыдæр ахуырады нырыккон домæнтæм гæсгæ.
Хæрæндоны дæр бирæ ногдзинæдтæ. Хæринаг цæттæ кæнынц стандарттæм гæсгæ, æмæ уыцы иу рæстæг бирæ сывæллæттæн. Кусæнгæрзтæ ахæм фадат дæттынц.
Куыд зæгъынц, афтæмæй фидæны сæхи бон суыдзæн се *ппæт хойрæгтæ цæттæ кæнын.
Дзæуджыхъæуы зæронддæр скъолатæй иу дарддæр æххæст кæны стыр традицитæ. Æнусон историимæ бæстыхайы къулты рæзгæ фæлтæрмæ æнхъæлмæ кæсынц ног уæлахизтæ æмæ æнтыстдзинæдтæ.
