08 июля 2020, 17:07
Дзæуджыхъæуы дарддæр цæуынц республикæйы центр «Фарн»-ы цалцæггæнæн куыстытæ
Цæгат Ирыстоны культурæйы министрад базилдзæн историон бæстыхаймæ
Дзæуджыхъæуы дарддæр цæуынц республикæйы культурæйы æмæ этнотуризмы центр «Фарн»-ы цалцæггæнæн куыстытæ. Цæгат Ирыстоны культурæйы министрад базилдзæн историон бæстыхаймæ. Куыстытæ æххæстгонд цæуынц, Аланийыл дзуæрттæ бафтауыны 1100 азы бонмæ. Фæллойгæнджытæ ныридæгæн ныссыгъдæг кодтой бæстыхайы æддаг бакаст, баивтой бæстыхайы сæр æмæ электрон тыхдæттæг телтæ, уый фæстæ бавнæлдтой мидæггаг куыстытæм. Ивынц коммуникацитæ. Зынаргъ чи у, уыцы элементтæн та кæнынц рацарæзты куыстытæ. Бындурон цалцæг фæуынмæ хъавынц ацы аз. Куыстытæ цæуынц федералон программæ «Культурæйы æмæ туризмы рæзт» æххæст кæнгæйæ.