Фæлхасадмæ цæстдарды специалисттæ бæлвырд кæнынц, уыцы бынæтты сæрмагонд домæнтæ куыд æххæстгонд цæуынц, уымæ
Дзæуджыхъæуы официалон æгъдауæй харбыз уæй кæнынæн снысан кодтой 35 бынаты. Горæты администраци сарæзта гом аукцион. Йæ хатдзæгтæм гæсгæ, амалхъом адæм райстой бардæттæг гæххæттытæ. Фæлхасадмæ цæстдарды специалисттæ бæлвырд кæнынц, уыцы бынæтты сæрмагонд домæнтæ куыд æххæстгонд цæуынц, уымæ. Бæлвырддæр хабæрттæ радзурдзæн Хъайтмазты Дзерассæ.
Июлы кæрон – августы райдиан у харбызты сезон. Ацы гагадыргъ сæ фынгыл æрæвæрынмæ се ппæт дæр фæбæллынц. Йæ рæгъæддзинад сбæлвырд кæнын ис цалдæр хуызы. Иутæ уый тыххæй харбыз æрхойынц. Чидæртæ фæкæсынц йæ къæдзилмæ, кæнæ та бур фæдтæм. Фæлæ йæ æнæ алыг кæнгæйæ, фидарæй зæгъæн нæй, рæгъæд у, уый. Фæлхасадмæ цæстдарды управленийы специалисттæм та сæхи домæнтæ ис. Бæлвырд кæнынц, гагадыргъ зианхæссæг химикон элементтæй æххæст у æви нæ, уый. Гæнæн ис, æмæ домæнтæ чи не ххæст кæны, ахæм уæйгæнджытæ уæй кæной æнæхæрзхъæд товар.
Хъуылаты Алан – Фæлхасадмæ цæстдарды цæгатирыстойнаг управленийы санитарон цæстдарды хайады хицауы хæдивæг: “Это пищевое отравление, достаточно серьезное. Любое пищевое отравление, это серьезное состояние, когда человек может быть обезвожен, может быть до потери сознания, связано это может быть еще с какой-то инфекцией, которое может быть химическое или бактериальное отравление. Конечно же, клиника может быть различная и до очень тяжелых состояний. Поэтому надо быть очень внимательным при выборе данного лакомства”.
Харбызты алы партийæ дæр хуызæг æрвыст фæцæуы лабораторимæ. Ам специалисттæ райсынц сæрмагонд пробæ. Цалдæр къæпхæнмæ гæсгæ йæ бацæттæ кæнынц, иртæстытæ фæкæнынц сæрмагонд приборыл. Уый бæрæг кæны харбызы нитратты бæрц. Дарддæр хатдзæгтæ æрвыст æрцæуынц санитарон дохтыртæм. Харбызы нитратты нормæ у 60 иуæджы онг. Кæд уыцы бæрæггæнæн фылдæр нæу, уæд гагадыргъ ис уæй кæнын. Æдæппæтæй горæты харбызтæ балхæнын кæм ис, ахæм бынæттæ нысангонд æрцыд 35.
Хъуппеты Зелимхан – Дзæуджыхъæуы администрацийы амалхъомдзинады æмæ фæлхасадон базарады управленийы хицау: “Для того, чтобы предприниматели могли установить свои арбузные клетки, для этого администрация города Владикавказа, разыгрывает аукцион, который проходит, как правило, весной. В этом году он прошел у нас в марте месяце, для того чтобы они смогли первого июля установить свои клетки, завести товар и начать торговлю. Сезон у нас длится в промежутке с июля по октябрь, предприниматели имеют право, торговать арбузами”.
Специалисттæ куыд зæгъынц, афтæмæй ацы аз харбызæй хъæстæ цаутæ нысангонд нæ уыд. Уый нæ хынцгæйæ, уæддæр хъæуы къæрцхъус уæвын. Харбыз балхæныны размæ хъæуы, æркæсын æнæхъæн у æви нæ, уымæ, стæй йæ хæрыны размæ ныхсын.
