14 августа 2023, 13:13
Дзæуджыхъæуы райдыдтой хæдзæртты кæртытæ аив кæнын
Муниципалон программæ «Аивдзинад æмæ цъæхфæлыст»-ы фæлгæты ацы аз базилдзысты 40 кæртæй фылдæрмæ
Дзæуджыхъæуы райдыдтой хæдзæртты кæртытæ аив кæнын. Муниципалон программæ «Аивдзинад æмæ цъæхфæлыст»-ы фæлгæты ацы аз базилдзысты 40 кæртæй фылдæрмæ. Куыстытæ æнæрлæугæйæ цæуынц Кутузовы уынджы 77-æм хæдзары кæрты. Специалисттæ систой, чи ныппырх, уыцы асфальты уæлцъар, цæттæ кæнынц фæндаджы бындур, æвæрынц бордюртæ æмæ æндæр хъæугæ фæрæзтæ. Уынджы сæвæрдзысты бандæттæ, рухсгæнæнтæ, бырондæттæ. Аивгæнæн куыстытæ райдыдтой Доваторы проспекты 25-æм хæдзары кæрты дæр. Цæрджытæ куыд зæгъынц, афтæмæй хæдзары алыварсмæ цæстдард нæ цыди 15 азмæ хæстæг.