2 къуырийы дæргъы 50 архайæгæй фылдæр ерыс кодтой уроктæ дæттыны арæхстдзинады, дзырдтой сывæллæттимæ ахсджиаг фарстатыл, равдыстой фæсурокты куыст
Дзæуджыхъæуы схорзæхджын кодтой конкурстæ «Афæдзы ахуыргæнæг» æмæ «Педагогон дебют»-ы уæлахиздзауты. 2 къуырийы дæргъы 50 архайæгæй фылдæр ерыс кодтой уроктæ дæттыны арæхстдзинады, дзырдтой сывæллæттимæ ахсджиаг фарстатыл, равдыстой фæсурокты куыст. Жюри аргъ кодта ахуыр кæныны методикæты ногдзинæдтæн æмæ авторон бакуыстытæн. Конкурс «Педагогон дебют»-ы архайдтой 2 азæй фылдæр чи кусы, ахæм ахуыргæнджытæ. Ерыгон профессионалтæн ныридæгæн бантыст равдисын, чысыл фæлтæрддзинадимæ педагог кæй у цæттæ ахуырдзаутæн зонындзинæдтæ дæттын æмæ бæрзонд хатдзæгтæ æвдисын. Ацы конкурсы хуыздæр сси ахуырады центр «Эрудит»-ы математикæйы ахуыргæнæг Багаты Ангелинæ. Йæ хæрзиуæг ын радта Дзæуджыхъæуы муниципалон сконды сæргълæууæг Александр Пациорин. Конкурс «Афæдзы ахуыргæнæджы» уæлахиздзауты та схорзæхджын кодтой ахуырады æмæ наукæйы министры хæдивæг Дзанайты Марк æмæ горæты администрацийы сæргълæууæг Милдзыхты Вячеслав. 3-аг бынат бацахста 7-æм скъолайы уырыссаг æвзаджы ахуыргæнæг Бестауты Нинæ, дыккаг – 44-æм скъолайы райдиан кълæсты ахуыргæнæг Елизавета Саркисянц. Фыццаг та сси 15-æм скъолайы математикæйы ахуыргæнæг Кристина Ильина.
