Студенттимæ æмæ регионы уазджытимæ аныхас кодтой æхсæнад «Знание»-йы лектортæ, пленарон дискуссийы сæйраг спикер уыд республикæйы сæргълæууæг
«Время выбирать». Фæсивæды æппæтдунеон фестивалы ахуырадон программæ æххæстгæнгæйæ, Дзæуджыхъæуы цæуы æппæтрегионалон форум. Лекцитæ, дæсныйадæвдисæг ахуыртæ, пленарон дискусситæ. Мадзæлттæ бирæ. Алкæцыдæр сæ дарддæр хæццæ кæны афæдзы сæйрагдæр фæсивæдон цаутæй иу. Студенттимæ æмæ регионы уазджытимæ аныхас кодтой æхсæнад «Знание»-йы лектортæ. Пленарон дискуссийы сæйраг спикер уыд республикæйы сæргълæууæг. Сергей Меняйло дзуапп радта форумы архайджыты фæрстытæн, аныхас кодта семæ информацион тыгъдады тыххæй, куыд тохы быдыры хуызы. Регионы разамонæг куыд загъта, афтæмæй уыцы темæ абон актуалон у. Дæтты, дунемæ æндæр цæстæнгасæй бакæсыны, æмæ æцæг лыггæнинаг фарстатæ рабæрæг кæныны фадат. Сергей Меняйлойы ныхæстæм гæсгæ, фæсарæйнаг делегаттимæ диалог рауад æргом, æмæ алы бæстæты минæвæрттæн равдыста, кæм ис рæстдзинад, кæм та – стереотиптæ, уый.
