05 марта 2024, 12:26
Дзæуджыхъæуы уыд Уæрæсейы аивæдты сгуыхт архайæг Къæбойты Николайы 70 азы юбилейы кадæн концерт
Мариинаг театры филиалы республикæйы адæмон артистыл сæмбæлдысты къухæмдзæгъдимæ æмæ овацитимæ
Дзæуджыхъæуы уыд Уæрæсейы аивæдты сгуыхт архайæг Къæбойты Николайы 70 азы юбилейы кадæн концерт. Мариинаг театры филиалы республикæйы адæмон артистыл сæмбæлдысты къухæмдзæгъдимæ æмæ овацитимæ. Аивадуарзджытæ байхъуыстой уарзон уацмыстæм – юбилярæн йæхи симфонион музыкæмæ. Ацы концерт фыст уыд оркестрæн, ирон фæндырæн, фортепианойæн. Къæбойты Николай у бирæ стыр куыстыты автор. Йæ репертуары ис, уырыссаг æмæ ирон театрты драмон спектакльтæм мелодитæ дæр. Абон композиторы музыкæ цæгъдынц, уый хуызæн артист суæвын кæй фæнды, уыдон – сывæллæтты музыкалон скъолаты æмæ консерваториты ахуырдзаутæ.
темæмæ гæсгæ