Ахуыргæнæндоны директор куыд радзырдта, афтæмæй сæ фæсивæд сты тынг курдиатджын
Дзанайты Азанбеджы номыл аивадон училищæйы 13 студенты бахъахъхъæдтой сæ дипломон проекттæ. Ахуыргæнæндоны директор куыд радзырдта, афтæмæй сæ фæсивæд сты тынг курдиатджын. Алкæмæн дæр сæ ныридæгæн фæзынд йæхи æрмдзæф, стиль æмæ тематикæ. æппæт куыстытæ дæр сты хицæн ныхасы аккаг. Курдиатджын фæсивæды тыххæй бæстондæр радзурдзæн Чехойты Фатимæ.
Фæсмоныл æмæ быхсыныл. Уырнæг адæймаджы ныхас сауджынимæ æнусты хæзнатыл. Уыцы хъуыды йæ куысты равдыста нывы автор Хосонты Аланæ. Уый у йæ дипломон проект. Фыста йæ Павел Лунгины киноныв «Остров»-мæ гæсгæ. Эскизтыл райдыдта кусын ахуыры азы райдиан, техникæ Вердаччойæ. Йæ ныхæстæм гæсгæ, йын сæйраг уыдис, царды зындзинæдты сæрты хизгæйæ, иннæтæн æххуыс кæнын йæ бон кæмæн у, ахæм адæймаджы хъысмæт равдисын.
æндæр хъуыдытыл хæст у Добаты Руслан. Уæлахизхæссæг Георгийы сурæт фенæн ис аивадон училищæйы къулыл. Рауагъдонæн ахæм куыст у йæ фыццаг фæлтæрддзинад. Архайдта йыл 3 мæйы. Пайда кодта фасадон æмæ акрилон ахорæнтæй. Русланы ныхæстæм гæсгæ, æппæты зындæр уыдис Уæлахизхæссæг Георгийæн йæхи сурæт ныффыссын æмæ йын бындурон хуыз равзарын.
Сæ дипломон проекттæ бахъахъхъæдтой училищæйы 13 рауагъдоны. Алы нывгæнæгæн дæр ис йæхи *взаг, куыстытæн та — хицæн зæлынад. Чидæртæ ныхас кæнынц ивгъуыдимæ, иннæтæ та агурынц дзуæппытæ æнусон тыгъдады, кæмæндæр та ахсджиаг у адæймаджы уды конд.
Ацы рауагъдонтæн дипломон проекттыл куыст сси, профессионалон аивадон дунемæ фæндаджы райдиан.
