Кадджын мадзалмæ рагацау бацæттæ кодтой сæхи. Фыццаджыдæр студенттæ æмæ ахуыргæнджытæ скодтой равдыст
Абон Дзанайты Азанбеджы номыл Дæуджыхъæуы аивæдты училищæ бæрæг кæны йæ 50 азы юбилей. Кадджын мадзалмæ рагацау бацæттæ кодтой сæхи. Фыццаджыдæр студенттæ æмæ ахуыргæнджытæ скодтой равдыст. Экспозицимæ бахастой, æнусы рдæгмæ хъуыстгонд училищæ каст чи фæци, уыцы рауагъдонты куыстытæ. Ацы аз Дзæуджыхъæуы аивадон училищæ нымад æрцыд, регионалон нысаниуæг кæмæн ис, ахæм культурон хæзнаты объектыл. Бæстыхай сарæзтой 20-æм æнусы райдиан. Ахуыргæнæндон фæзынд уæды культурæйы министр Ужегаты Солтаны хъæппæрисмæ гæсгæ. Училищæйæн бындур сæвæрдтой зындгонд нывгæнджытæ, скульптортæ æмæ архитектортæ, куыд Дзбойты Михал, Гуыбаты Зауырбег, Салиты Валерий, Бедойты Шалва æмæ иннæтæ. Бæрæгбоны мадзæлттæ ацуæдзысты Национ музейы æмæ Уырыссаг Академион театры.