Æрныхас дзы кодтой нæ республикæйы æмæ мæскуыйаг театры фидæны æмгуыстады фарстатыл
Цæгат Ирыстоны Хицауады Сæрдар Дзанайты Барис æмæ Мæскуыйы Евгений Вахтанговы номыл паддзахадон театры директор Кирилл Крок ма архайдтой дыууæвæрсыг кусæг фембæлды. Æрныхас дзы кодтой нæ республикæйы æмæ мæскуыйаг театры фидæны æмгуыстады фарстатыл. Бæрнон кусджытæн сæ хъуыды уыд иу. Фестиваль «Вахтангов. Путь домой» хъуамæ суа æрвылазон. Афтæмæй стыр ахъаз фæуыдзæн туризмы æмæ экономикæйы рæзтæн дæр. Кирилл Крок куыд бафиппайдта, афтæмæй апрелы сæххæст уыдзæн афæдз, Дзæуджыхъæуы Евгений Вахтанговы хæдзар-музей куы байгом кодтой, уымæй. Уымæ гæсгæ мæскуыйаг театры командæ Дзæуджыхъæумæ сласдзæн музейон экспозици. Уый фæстæ фæхъæздыгдæр кæндзæн Вахтанговы хæдзары коллекци.
