Нæ республикæмæ ссыди кусæг къордимæ, цæмæй сбæрæг кæной Цæгат Кавказы федералон зылды субъектты инвестицион хъомыс
Хицауады Сæрдар Дзанайты Барисæн кусæг фембæлд уыд Уæрæсейы экономикон рæзты министрады Цæгат Кавказы федералон зылды социалон-экономикон департаменты директор Игорь Храновскиимæ. Нæ республикæмæ ссыди кусæг къордимæ, цæмæй сбæрæг кæной Цæгат Кавказы федералон зылды субъектты инвестицион хъомыс. Бæрнон кусджытæ æрныхас кодтой Цæгат Ирыстоны промышленнон комплексы куыстуæтты фидæны рæзтыл. Делегаци бабæрæг кодта егъау промышленнон фæзтæ – заводтæ «Рокос», «Топаз», «Крон», Дзæуджыхъæуы вагæттæ цалцæггæнæн завод, стæй æхгæд куыстуат «Электроцинчы» территори. Æрдзырдтой балцы хатдзæгтыл дæр. Игорь Храновский бафиппайдта нæ республикæйы промышленнон хъомыс. Дзанайты Барис федералон бæрнон кусæгæн загъта бузныг, нæ регионæн ахæм алывæрсыг æххуыс кæй кæнынц, уый тыххæй. Фидарæй нæ уырны, федералон æмкусджытимæ иумæйаг арахйд ратдзæн хорз бæрæггæнæнтæ, – загъта премьер-министр.