Фæллойы æмæ социалон рæзты министр Айдарты Алинæ куыд радзырдта, афтæмæй ныртæккæ ахадгæдæр æмæ парахтадæр мадзæлттæй иу у – социалон контрактмæ гæсгæ хи хъуыддаг байгом кæнын
Хицауады сæрдар Дзанайты Барисы разамындæй æмбырды æрныхас кодтой, алы категориты адæмæн социалон æххуысы мадзæлттыл. Фæллойы æмæ социалон рæзты министр Айдарты Алинæ куыд радзырдта, афтæмæй ныртæккæ ахадгæдæр æмæ парахтадæр мадзæлттæй иу у – социалон контрактмæ гæсгæ хи хъуыддаг байгом кæнын. Паддзахадон æххуысы фæрцы райсынц æхцайы фæрæзтæ. Уæвгæ та алы мæй дæр республикæйы цæрджытæ райсынц социалон æххуысы 40 хуызы. Афæдзы райдианæй уыцы нысантæн радих кодтой 4 миллиард сомы. Æмбырды архайджытæ ма æрдзырдтой, льготæтæм гæсгæ чи исы социалон æххуыс, уыцы категориты адæмы фарстатæм. Се хсæн сывæллонджын бинонтæ дæр. Социалон контрактмæ гæсгæ паддзахадон æххуыс райста амалхъом адæймаг Пухаты Алихан. Афæдзы размæ байгом кодта уæлæдарæс хуыйæн æрмадз. Хъуыддаг фæрæстмæ. Йæ продукци йын агурынц. Уыимæ канд нæ республикæйы нæ, фæлæ æндæр регионты дæр.
