Равдыстой спектакль «Мистер Пим проходит мимо»
Евгений Вахтанговы номыл Академион Уырыссаг театры уыд премьерæ. Равдыстой спектакль «Мистер Пим проходит мимо». Сценæмæ рахастой æцæг англисаг юмор. Премьерæйы тыххæй бæстондæр радзурдзæн Хъайтмазты Дзерассæ.
Мистер Пимы фæзындæй Марденты бинонты царды райдыдта кæнæ комеди, кæнæ драмæ. Нæлгоймаджы хъуыдис æрмæстдæр рекомендацион фыстæг хæдзары сæрдарæй, фæлæ иу раныхас расайдта зилдухæн цаутæм. Хъайтарты хъæуы традициты æмæ сæрибардзинады быцæуы сæрты ахизын. Уырыссаг академион театры актерты курдиатджын хъазты фæрцы аивадуарзджытæ банкъардтой англисаг классикон уацмысы мидис.
Пьесæ «Мистер Пим проходит мимо» кæд классикон англисаг драматургийы дæнцæг у, уæддæр уæрæсейаг аивадуарзджытæн æмбаргæ у. Милн æй ныффыста комедийы жанры. Карен Нерсисянæн ацы куыст уырыссаг академион театры у фыццаг. Аивадон разамонæг Владимир Уваров куыд загъта, афтæмæй хуынд режиссеримæ æмгуыстад у, актерты ног хуызы раргом кæныны, театрдзаутæн та аивадмæ ног цæстæнгас балæвар кæныны гæнæн.
«Мистер Пим проходит мимо» уырыссаг академион театры у æртыккаг премьерæ ацы аз æмæ фæстаг ацы сезоны. Рог комедийы автор систа ахсджиаг фарстатæ. Ацы уацмыс хуымæтæджы æвзæрст не рцыд.
Английы фæлгонц – сценографийы алы чысыл хайы дæр. Декорациты фæрцы аивадуарзджытæ кæсынц сюжеты рæзтмæ. Мистер Пим бинонты сусæг хабæрттæ райхалын баххуыс кæндзæн æви нæ, уый тыххæй театрдзаутæ базондзысты спектаклы финалы.
