Бæрæггæнæн куыст арæзт æрцыд, оперативон-профилактикон мадзал «Внимание – пешеход!» æххæст кæнгæйæ
Фæндæгтыл æдасæй цæуыны падддзахадон автоинспекцийы кусджытæ скодтой профилактикон рейдтæ, Дзæуджыхъæуы фылдæр машинæтæ кæмæ вæййынц, уыцы бынæттыл. Бæрæггæнæн куыст арæзт æрцыд, оперативон-профилактикон мадзал «Внимание – пешеход!» æххæст кæнгæйæ. Ацы азы райдианæй Дзæуджыхъæуы æрцыд, фистæгæйцæуджытæ кæм бахаудтой, ахæм 65 фæндаггон фыдбылызы. Фæмард дзы 4 адæймаджы. Паддзахадон автоинспектортæ фæндаггон змæлды архайджытимæ кодтой профилактикон ныхас. Шофыртæн æмæ фистæгæйцæуджытæн дзырдтой æдасдзинады мадзæлтты тыххæй. Зæгъæм, фæндаджы сæрты хизгæйæ, телефонæй пайда кæнæн нæй. Талынг рæстæг та хъæуы рухс здахæн элементтæй пайда кæнын. Машинæты хицæуттæ та хъуамæ фистæгæйцæуджытæн дæттой фæндаджы сæрты ахизыны бар. Куы не ххæст кæной уыцы домæн, уæд фиддзысты ивар 1500 сомæй 2500 сомы онг.
