24 апреля 2024, 12:32
Хæххон паддзахадон аграрон университеты агрономон факультеты 1-æм курсы студенттæ ныссагъдтой бæлæстæ
Акци у, Фыдыбæстæйы Стыр хæсты азты Райгуырæн бæстæ чи хъахъхъæдта, уыцы хъæбатырты номыл арæзт
9-æм майы агъоммæ хæххон паддзахадон аграрон университеты агрономон факультеты 1-æм курсы студенттæ ныссагъдтой бæлæстæ. Акци у, Фыдыбæстæйы Стыр хæсты азты Райгуырæн бæстæ чи хъахъхъæдта, уыцы хъæбатырты номыл арæзт. Номарæн аллеяйæн бындур æвæрд æрцыд Кировы уынджы аграрон университеты сæйраг корпусы раз. Уый у стыр проект «Номарæн цæхæрадон»-ы хай. Ныссадзынæн равзæрстой канадаг церцис. Фыццаг тала ныссагъта ахуыргæнæндоны ректор Гогаты Олег. Аллеямæ цæст дарыны хæс сæхимæ райстой агрономон факультеты фыццагкурсонтæ. Уыдон университет каст куы фæуой, уæд ацы хъуыддаг бахæс кæндзысты ног фæлтæры студенттæн.
