Ахуырдзаутæ æрмæст аппараттæн разамынд дæттыныл нæ ахуыр кæнынц, фæлæ ма дронтæ æмбырд кæныныл, аразыныл æмæ программæтæ цæттæ кæныныл
Хæххон паддзахадон аграрон университеты бындурыл афæдзы размæ байгом æнæпилотон системæты центр. Ахуырдзаутæ æрмæст аппараттæн разамынд дæттыныл нæ ахуыр кæнынц, фæлæ ма дронтæ æмбырд кæныныл, аразыныл æмæ программæтæ цæттæ кæныныл. Уымæн центр æххæст у нырыккон материалон-техникон бындурæй. Æнæпилотон системæтæй пайда кæнынц бирæ къабæзты: арæзтадон, агурæн-ирвæзынгæнæн, промышленнон, æрдзхъахъхъæнæн, хъæууонхæдзарадон, хæстон æмæ медиакъабазы. Бæлвырддæр радзурдзæн Хъайтмазты Дзерассæ.
Ахæм диагностикæ пъланмæ гæсгæ нæу, фæлæ у ахуырады хай. Дрон операторы командæтæм нал хъусы. Сбæлвырд кæнын хъæуы – цæуыннæ. Аграрон колледжы 2-æм курсы студенттæн аххоссаг ссарын зын нæ уыд. Иумæ фарста алыг кодтой, æмæ та æнæпилотон аппарат ногæй скуыста ахуырты рæстæг. Афæдзы размæ дæр ма Дарчиты Сæрмæт æнхъæл дæр нæ уыд, дронтимæ афтæ арæхстджынæй архайын йæ бон кæй суыдзæн, уый. Фæлæ фидæны дæсныйад æвзæрста æмбаргæйæ.
Кæстæр лæппутæ æмæ чызджыты дронтимæ архайынмæ нырма цæттæ кæнынц. Фыццæгæм курсы ахуыртæ арæхдæр вæййынц симулятортыл. Уымæн æнæпилотон системæты центр æххæст у сæрмагонд программæтæй. Студенттæ ахуыр кæнынц аппараттæн разамынд компьютертыл дæттыныл, уыцы иу рæстæг ма зонгæ кæнынц, цæмæй арæзт сты, уыимæ дæр. Æнæпилотон системæтæй пайда кæнынц бирæ къабæзты: арæзтадон, агурæн-ирвæзынгæнæн, промышленнон, æрдзхъахъхъæнæн, хъæууонхæдзарадон, хæстон æмæ медиакъабазы.
Æнæпилотон системæты центр Хæххон паддзахадон аграрон университеты бындурыл байгом афæдзы размæ. Ацы фæз фылдæр практикон ахуыртæм арæзт у, фæлæ теоримæ дæр стыр æргом здахынц. Ахуырдзаутæ æрмæст аппараттæн разамынд дæттыныл нæ ахуыр кæнынц, фæлæ ма дронтæ æмбырд кæныныл, аразыныл æмæ программæтæ цæттæ кæныныл. Центр æххæст у хъæугæ нырыккон материалон-техникон бындурæй.
Тæхæн аппаратты ахæм парахат номхыгъд студенттæн дæтты, фылдæр къабæзтыл аххæссыны фадат. Центры ахуырты вæййынц æрмæст профилон факультетты минæвæрттæ нæ. 150 студенты бафæндыд ам ахуырад ацæуын. Ахæм гæнæн ис, агроуниверситетмæ комкоммæ чи нæ хауы, уыдонæн дæр.
Центры бындурыл ма ахуырад цæуынц аграрон колледжы информацион системæты æмæ программæтæ цæттæ кæныны къабазы студенттæ. Сæ курс конд у федералон проект «Код будущее: автономные мобильные роботы»-мæ гæсгæ. Ам ахуыр кæнынц роботты уæлзæхх хуызтæ – уыдон дæр сты æнæпилотон системæты хуызæн.
