01 февраля 2024, 11:14
Хæлардзинады республикон хæдзары схорзæхджын кодтой сывæллæтты нывты конкурс «Нæ бинонты традициты» лауреатты
Сфæлдыстадон ерысы нысан уыд, рæзгæ фæлтæры ахуыр кæнын бинонтæн аргъ кæныныл, стæй сывæллæтты курдиат раргом кæныныл
Хæлардзинады республикон хæдзары кадджын уавæры схорзæхджын кодтой сывæллæтты нывты конкурс «Нæ бинонты традициты» лауреатты. Сфæлдыстадон ерысы нысан уыд, рæзгæ фæлтæры ахуыр кæнын бинонтæн аргъ кæныныл, стæй сывæллæтты курдиат раргом кæныныл. Æдæппæтæй конкурсы уыд 85 куысты. Бацæттæ сæ кодтой горæты скъолаты æмæ аивæдты лицейы ахуырдзаутæ, Тауаситы Сосланбеджы номыл аивадон скъолайы, стæй сфæлдыстады райрæзты центр «Интеллект»-ы æмæ аивадон студи «София»-йы хъомылгæнинæгтæ. Равзæрстой 18 уæлахиздзауы номинациты «Хæдахуыртæ» æмæ «Профессионалтæ». Сфæлдыстадон конкурс сбастой бинонты азимæ.
