Гранттæ чи райста, уыдоны хыгъды ис Цæгат Ирыстоны цæрæг Куыдзиаты Ахан.
Хатдзæгтæ скодтой дунейы иунæг æмæ фыццаг æппæтадæмон конкурс-преми «Кардо»-йы 6-æм сезонæн. Гранттæ чи райста, уыдоны хыгъды ис Цæгат Ирыстоны цæрæг Куыдзиаты Ахан. Уый у æрыгон музыканттæн æххуысы проект «MUZA»-йы автор, æмæ райста грант 600 мин сомы. Конкурсы сæйраг нысан у – культурæ æмæ спорты рæзтыл кусын. Гранд-финалы архайдтой 2500 адæймаджы дунейы 21 бæстæйæ. Мадзал æххæст кæнгæйæ ма арæзт æрцыд конкурс «Росмолодежь». Уый фадат дæтты, социалон нысаниуæг кæмæн ис, ахæм проекттæ царды рауадзынæн гранттæ рамбулынæн. Зæгъдзыстæм ма уый дæр, æмæ конкурс фыццæгты хсæн бацархайдта платформæ «Россия – страна возможностей»-ы. Ныридæгæн баиу кодта 56 мин æрыгон адæймаджы. Се ппæт дæр сæ проекттæн райстой паддзахадон æххуыс.
