филиал вгтрк государственная телерадиовещательная компания “Алания”

Хуссар Ирыстоны йæ цардæй ахицæн композитор æмæ пианист Плиты Жаннæ — хъусын кæны агентад Рес. Хуссар Ирыстоны адæмон артисткæ, Цæгат Ирыстоны аивæдты сгуыхт архайæг Плиты Жаннæ у æхсæз симфонийы, æртæ балеты æмæ цыппар концерты автор. Ныффыста бирæ камерон, вокалон æмæ инструменталон уацмыстæ. Йæ фыст мелодитæ банымадтой куыд уæрæсейаг, афтæ дунеон æмвæзадыл, бирæ хæттыты йæ уацмыстæ систы алыхуызон конкурсты уæлахиздзаутæ. Композиторыл 10-æм февралы хъуамæ сæххæст уыдаид 75 азы. Плиты Жаннæйæн фæстаг фæндараст зæгъдзысты абон, Хуссар Ирыстоны паддзахадон драмон театры.