Ректорты фембæлды ныхас цыд алы къабæзты æмархайдыл
Хуссар Ирыстоны паддзахадон университеты минæвæрттæ, сæ ректор Тедеты Вадимимæ бабæрæг кодтой Цæгат Ирыстоны паддзахадон университет. Ректорты фембæлды ныхас цыд алы къабæзты æмархайдыл. Уазджытæн бацæттæ кодтой культурон программæ дæр. Аивæдты факультеты студенттæ Цæгат Ирыстомæ æрбаластой сæ дипломон спектакль. Бакæсæм нæ сюжетмæ.
Кæрæдзийæ дард, фæлæ уыцы-иу рæстæг æппынæдзухдæр тынг хæстæг. Цæмæй иумæ лыг кæной æппæт фарстатæ, æвæрой фидæнмæ нысантæ æмæ кусой дарддæры рæзтыл. Афтæ афæдзæй – афæдзмæ кусынц Цæгат æмæ Хуссар Ирыстон. Дыууæ паддзахадон университеты ректорты фембæлд ма иу хатт равдста куыд ахсджиаг у иумæйаг æмгуыстад. Афтæмæй лыггонд цæуынц бирæ фарстатæ. Кадртæй ифтонгдзинад, студентты æмархайд, стæй традицитæ хæццæ кæнын.
Иумæйаг куыст чи домы, ахæм фарстатæ дыууæ уæлдæр ахуыргæнæндоны чысыл нæй. Уымæ гæсгæ ахæм фембæлдтытæн ис хорз ахадындзинад. Ацы хатт нæ республикæмæ ссыди Хуссар Ирыстоны паддзахадон университеты делегаци. Равдыстой спектакль. Уарзондзинады рæсугъд истори. Радзырдтой та йæ студенттæ. Ирд, аив æмæ традицитæ хынцгæйæ. Гыццыл хъæумæ æрцыдысты горæтаг усгуртæ. Дарддæр та банкъарæн уыд адæмы цымыдис цæстæнгас æмæ хъæлдзæг худын. Уый дзурæг у ууыл, æмæ студенттæн сæ куыст бантыст иттæг хорз.
Комедиимæ базонгæ сты куыд Хуссар, афтæ Цæгат Ирыстоны дæр. Уæлдай зæрдæмæдзæугæ у – æххæстæй дæр ирон æвзагыл кæй цæуы, уый. Афтæмæй та парахат кæны национ культурæ.
Дыууæ уæлдæр ахуыргæнæндоны разамонджытæ куыд бафиппайдтой, афтæмæй ныртæккæ фылдæр æргом здахдзысты ацы куыстмæ, цæмæй æмгуыстады ахадындзинад фидардæр кæна, уый тыххæй.
