Скъолайы агъоммæйы ахуыргæнæндон у 120 бынатæн
Хъызлары сабитæн йæ дуæрттæ байгом кодта ног рæвдауæндон. Скъолайы агъоммæйы ахуыргæнæндон у 120 бынатæн. Арæзт æрцыди национ проект «Демографи»-йы фæлгæты. Рæвдауæн байгом кæныны кадджын мадзалы архайдта республикæйы ахуырады æмæ наукæйы министр Алыбекты Эллæ, Мæздæджы районы бынæттон администрацийы сæргълæууæг Адырхаты Руслан, стæй Хъызлары сæргълæууæг Маулит Хасанов. Дыууæуæладзыгон бæстыхай дзуапп дæтты нырыккон домæнтæн æмæ нормæтæн. Ам æппæт гæнæнтæ сарæзтой сабиты алывæрсыг райрæзтæн. Хæринаггæнæн æмæ медицинон блоктæ, къордтæ ифтонг сты нырыккон кусæнгæрзтæй. Рæвдауæндонмæ ацы бонты æрбаластой ног хъæддзаума æмæ хъазæнтæ. Йæ территорийы ис 5 ирхæфсæн фæзы æмæ комплексы, стæй спортивон-хъазæн фæз. Объект ифтонг у видеоцæстдарды æмæ зынгсирвæзтыты рæстæг кусæнгæрзтæй.