филиал вгтрк государственная телерадиовещательная компания “Алания”

Ирон театры сывæллæтты театралон студийы кæстæр къорды архайджытæ радтой фæлварæн. Фыццагкъласонтæ педагогты æмæ ныййарджыты размæ рахастой этюд. æххæст уыд музыкалон æмæ кафæн номыртæй. Бакастысты ма æмдзæвгæтæ æмæ тагъддзуринæгтæ ирон æвзагыл. Сывæллæттæн æмæ уазджытæн раарфæ кодта театралон студийы разамонæг Черчесты Дианæ. Куыд загъта, афтæмæй ацы фæлварæнæй æвдисынц, афæдзмæ цæуыл сахуыр сты, уый. æвзонг актертимæ аныхас кодта Ирон театры аивадон разамонæг Уалыты Гиви. Хæстæгдæр рæстæг фæлварæн дæтдзысты хистæр къорды архайджытæ дæр. Цалдæр къуырийы фæстæ та студийы райдайдзысты ног актерты æмбырд кæнын.