Курдиаты хъæуы фæбæрæг кæнын, иуæндæсæмкъласон цы фæлварæнтæ дæтдзæн, уый
Ахуырады æмæ наукæйы министрад хъусын кæны, иумæйаг паддзахадон фæлварæны архайынмæ курдиæттæ 1-æм февралмæ кæй исдзæн, уый тыххæй. Курдиаты хъæуы фæбæрæг кæнын, иуæндæсæмкъласон цы фæлварæнтæ дæтдзæн, уый. Бафиппайын хъæуы уый дæр æмæ предметтæ ис бадæттæн, рауагъдоны цас фæнды, уыйбæрц. Уыдонæй дыууæ фæлварæны – уырыссаг æвзаг æмæ математикæ сты æнæмæнгæй радтын кæй хъæуы, ахæмтæ. Хорз сæ чи радта, уыдон райсдзысты астæуккаг ахуырады тыххæй аттестат. Иннæ предметтæ дæттынц барвæндонæй æмæ хъæуынц уæлдæр ахуырад райсын кæй фæнды уыдоны. Ацы аз иумæйаг паддзахадон фæлварæн куыд иннæ азты афтæ, ацæудзæн æртæ къæпхæнæй. Фыццаг уыдзæн 20-æм мартъийæ нудæсæм апрелмæ, дыккаг – 26 майæ 1 июльмæ, æртыккаг та æхсæзæмæй нудæсæм сентябрьмæ.
