Уый кадæн Мариинаг театры филиалы арæзт æрцыд фестиваль «Мозаика народов»
Йæ бындурæвæрды 35 азы бон сбæрæг кодта Цæгат Ирыстоны нациты хсæн регионалон змæлд «Нæ Ирыстон». Уый кадæн Мариинаг театры филиалы арæзт æрцыд фестиваль «Мозаика народов». Уазджыты размæ рацыдысты зарджытимæ æмæ национ хæринæгтимæ. Змæлд «Нæ Ирыстон»-æн зæрдиаг арфæтæ ракæнынмæ уазджытæ æрбацыдысты Уæрæсейы æндæр регионтæй дæр. Фойейы равæрдтой, Цæгат Ирыстоны чи цæры, уыцы адæмыхæттыты национ хæринæгтæ. Кадгæнæн мадзæлтты архайдтой нæ регионы 36 национ-культурон æхсæнадты минæвæрттæ. Бацæттæ ма кодтой цымыдисаг концерт. Адæмы зæрдæтæ сæ курдиатæй бахъæлдзæг кодтой республикæйы сфæлдыстадон коллективтæ. Зæгъдзыстæм ма уый дæр, æмæ мадзал арæзт æрцыд Уæрæсейы адæмты ассамблейы æмæ национ хъуыддæгты федералон агентады хъæппæрисæй.
