Алы ран дæр йæхи æнтыстджынæй æвдыста æмæ æвдисы
Ацы бонты йæ юбилей сбæрæг кодта Цæгат Ирыстоны Парламенты депутат, республикæйы культурæйы сгуыхт кусæг Токаты Людмилæ. Советон Цæдисы рæстæг Фæскомцæдисы обкомы йæ бæрны уыдысты ахуырады, культурæйы, дзыллон информацийы фæрæзты къабазтæ. Токаты Людмилæ 4 хатты æвзæрст уыд республикæйы Парламенты депутатæй, уыд вице-спикеры бынаты. Алы ран дæр йæхи æнтыстджынæй æвдыста æмæ æвдисы. Бæлвырддæр радзурдзæн Хъайтмазты Дзерассæ.
Советон дуджы сывæллæтты хъомылады æнæмæнг къæпхæн – фæскомцæдисы архайд. Токаты Людмилæйæн цыма йæ цард рагагъоммæ бæлвырдгонд уыд – ацыд фæскомцæдисы скъола, уый фæстæ та райдыдта ахадгæйæ æхсæнадон царды архайын. Фæсивæдимæ куыст бæрнон хъуыддаг у, фæлæ уымæй никуы тарст.
Мамсыраты Таймураз хъуыды кæны, уый æнцон процесс нæ уыд. Адæмæн хъуыд бамбарын кæнын, ацы парти цæмæн тырны адæмы номæй дзурынмæ æмæ сын сæ бартæ хъахъхъæнынмæ.
Дæсны политик æмæ активон граждайнаг позициимæ адæймаг – афтæ хонынц Токаты Людмилæйы йæ хæлæрттæ æмæ æмкусджытæ. Фæскомцæдисы, уый фæстæ та газет «Слово»-йы сæйраг редакторæй кусгæйæ, закъондæттæн къабазы фæллойгæнгæйæ, йын кæддæриддæр сæйрагдæр уыдысты республикæйы æмæ йæ цæрджыты интерестыл кусын.
Токаты Людмилæ 4 хатты æвзæрст уыд республикæйы Парламенты депутатæй, уыд вице-спикеры бынаты. Йæ ахадгæ æнтыстдзинæдты тыххæй хорзæхджынгонд у бирæ хæрзиуджытæй, арфæйы фыстæджытæй, кады гæххæттытæй.
Тускъаты Таймураз куыд загъта, афтæмæй ахæм фæлтæрддзинады фæрцы депутаттæн æнтысы раст политикон уынаффæтæ хæссын. Йæ хæлæрттæн Токаты Людмилæ, раздæрау, у иузæрдыг æмбал.
Токаты Людмилæ абон дæр дарддæр æххæст кæны, йæ цард цы хъуыддагæн снывонд кодта, уый.
