филиал вгтрк государственная телерадиовещательная компания “Алания”

Кинойы Хæдзары арæзт æрцыд Юрий Назаровы æмæ Полина Нечитайлойы сфæлдыстадон изæр «И фильм, и слово». Артисттæ бацæттæ кодтой аивадон программæ. Хаст æм æрцыдысты уæрæсейаг литературæйы прозаикон æмæ поэтикон уацмыстæ. Программæйы иу хай баст уыди Уæлахизы Бонимæ. Юрий Назаров æмæ Полина Нечитайло акодтой хæстон зарджытæ уарзон кинонывтæй. Сфæлдыстадон изæры ма равдыстой киноныв “Александр маленький”. Уым Юрий Назаров ахъазыд старшина Василийы роль Минскæй.