Хорзæхджынгонд æрцыд, Дзæуджыхъæуы, абарæн кæмæн нæй, ахæм проект царды кæй рауагъта, уый тыххæй
Мæскуыйы Евгений Вахтанговы номыл Паддзахадон Академион театры директор Кирилл Крок сси Уæрæсейы театралон архайджыты Цæдисы уæлдæр хæрзиуæг «Сызгъæрин нысан»-ы аккаг. Хорзæхджынгонд æрцыд, Дзæуджыхъæуы, абарæн кæмæн нæй, ахæм проект царды кæй рауагъта, уый тыххæй. Куыд зонут, афтæмæй Кирилл Крокы хъæппæрисæй æххæстгонд æрцыд проект «Вахтангов. Путь домой». Афтæмæй сæнусон кодтой зындгонд театралон режиссеры ном. Цæгат Ирыстоны амæй фæстæмæ кусы культурон центр – Вахтанговы хæдзар-музей. Мæскуыйаг театры директор йæхæдæг бæстон цæст дардта æппæт арæзтадон куыстытæм. Уæ зæрдыл уын æрлæууын кæндзыстæм, Евгений Вахтанговы райгуырæн хæдзар сног кæныны уынаффæ хаст æрцыд йæ 140 азы бонмæ. Культурон объект арæзт æрцыд Вахтанговы театры фæрæзтæй.
