Уазджытæн бацæттæ кодтой концертон программæтæ, ирон, уæрæсейаг æмæ фæсарæйнаг композиторты уацмыстæй
Республикæйы культурæйы колледжы арæзт æрцыдысты Цæгат Кавказы аивæдты паддзахадон институты хуыздæр педагогты дæсныйадæвдисæг ахуыртæ. Уазджытæн бацæттæ кодтой концертон программæтæ, ирон, уæрæсейаг æмæ фæсарæйнаг композиторты уацмыстæй. Ацагътой сæ колледжы студенттæ æмæ адæмон инструментты оркестр, йæ разамонæг у Багаты Розæ. Уый фæстæ сæ фиппаинæгтæ загътой педагогтæ Вячеслав æмæ Ирина Лопатинтæ. Ахæм хъуыстгонд мастертæй амындтытæ студенттæн сты ахсджиаг. Дæсныйадæвдисæг ахуыртæ ма бабæрæг кодтой Цæгат Ирыстоны музыкалон ахуыргæнæндæтты æмæ коллективты директортæ æмæ разамонджытæ. Ахæм æмархайд фыццаг хатт арæзт не рцыд. Педагогтæ рæстæгæй-рæстæгмæ базонгæ вæййынц кæрæдзийы фæлтæрддзинадимæ.
![Соц Сети Соц Сети](https://alaniatv.ru/wp-content/uploads/2019/01/Alania_TG_1140x151.gif)