Уыд национ
Лагерь «Звездочка»-йы йæ куыст фæцис 5-æм рад. Уыд национ. Рæзгæ фæлтæр дзы ахуыр кодта ирон æвзаг æмæ зонгæ кодта ирон адæмы культурæ æмæ традицитимæ. Ацы хъуыддаг æххæстгонд цæуы «Ирон адæмы национ-культурон райрæзты» паддзахадон программæмæ гæсгæ.
Фæстаг цæттæгæнæн мадзæлттæ, æмæ мæнæ ирон тырысайы хуызтæм гæсгæ ралæугæйæ, лагерь «Звездочка»-йы хъомылгæнинæгтæ зарынц ирон æвзагыл.
Лагерь «Звездочка»-йы 5-æм рад у – национ. Баиу кодта алы кары æмæ нациты сывæллæтты Дзæуджыхъæуæй æмæ республикæйы районтæй.
Сывæллæттæ лагеры фесты 18 боны, уыдонæй къуырийы бæрц ахадгæйæ ахуыр кодтой ирон æвзаг æмæ зонгæ кодтой ирон адæмы культурæ æмæ традицитимæ.
Программæйы – экскурситæ, дæсныйадæвдисæг ахуыртæ, викторинæтæ. Кæронбæттæн мадзалы рæзгæ фæлтæр равдыста, цæуыл сахуыр ис, уый. Сæ хъомылгæнджытимæ бацæттæ кодтой кæфтытæ, зарджытæ, ирон бæрæгбæттимæ баст инсценировкæтæ.
Афтæмæй сывæллæттæ æрмæг хуыздæр бамбарынц, зæгъынц хъомылгæнинæгтæ. Уый сæхи цæстытæй федтой ныййарджытæ дæр.
Национ рад лагерь «Звездочка»-йы бындурыл арæзт вæййы «Ирон адæмы национ-культурон райрæзты» паддзахадон программæмæ гæсгæ.
