Республикæйы алы районтæй скъоладзаутæ мадæлон æвзаг æрмæст ахуыр нæ кæнынц, фæлæ кæрæдзиимæ дзурынц иронау, пайда дзы кæнынц сфæлдыстадон куысты æмæ хъæзтыты рæстæг
Лагерь «Звездочкæ»-йы йæ куыст райдыдта этнокультурон лингвистон фæлтæр «Иры фидæн». Республикæйы алы районтæй скъоладзаутæ мадæлон æвзаг æрмæст ахуыр нæ кæнынц, фæлæ кæрæдзиимæ дзурынц иронау, пайда дзы кæнынц сфæлдыстадон куысты æмæ хъæзтыты рæстæг. Саразджытæ куыд фæбæлвырд кодтой, афтæмæй ахæм хуызы куыст сывæллæттæн æххуыс у æвзаджы зонындзинæдтæ фидар кæнынæн æмæ адæмы культурæ арфдæр базонынæн. Бæстондæр радзурдзæн Чехойты Фатимæ.
Æрæджы дæр ма – скъолайы кълæстæ, ныр та – ирон æвзаг æдзух кæцæй хъуысы, ахæм лингвистон тыгъдад. æлборты Аделинæйæн мадæлон æвзаг – цымыдисдзинад кæмæ рæзы, йæ царды уыцы хай. Аделинæ архайдта лингвистон конкурсты æмæ проектты, ныр та сси «Иры фидæн»-ы уæнг.
æрбаздæхын кæдæм фæнды, ахæм бынат. Дауиаты Валерия ам йæ фæллад уагъта фарон. Уæд ахуыртæ æмæ йе *мгæртты *хсæн ахастдзинæдтæ йæ зæрдæмæ фæцыдысты, æмæ йæ бафæндыд ардæм ногæй æрцæуын – ацы хатт йæ хотимæ.
Лагерь «Звездочкæ»-йы лингвистон фæлтæр «Иры фидæн» баиу кодта 35 скъоладзауы 7 азæй 14 азы онг республикæйы алы районтæй. Архайджытæ дзурынц ирон æвзагыл, сæ зонындзинæдтæ равдыстой олимпиадæты, конкурсты æмæ зонадон проектты. 18 боны мадæлон æвзаг æрмæст ахуыр нæ кæндзысты, фæлæ дзы пайда кæндзысты æнæрлæугæйæ – æдзух кæрæдзимæ дзурынц иронау.
Программæ афтæ конд у, цæмæй æвзаг хъуыса алы куысты дæр. Скъоладзаутæ сæхи фæлварынц мультипликацийы, зонгæ кæнынц традицион дарæсимæ æмæ культурæимæ. Ахуыртæй иуы дзырдтой симды тыххæй – кафты руаджы раргом кодтой адæмы миниуджытæ æмæ культурæ. Уыимæ мадæлон æвзаг армæст ахуырты хай нæу, дзурынц ыл фæлладуадзгæйæ дæр. Программæйы – хъæзтытæ, квесттæ, хъомылгæнинæгтæ ацæудзысты балцы дæр.
«Иры фидæн» – æрмæст ахуыртæ не сты, фæлæ æвзагмæ, культурæмæ æмæ адæймаджы уидæгтæм цымысдзинад кæм æвзæры, ахæм тыгъдад. Афтæмæй, традицитæн ис фидæн – ног фæлтæрты.
