Ахæм указ бафыста Сергей Меняйло
Лагкуты Омар сси, паддзахады хардзæй цы товартæ æлхæд цæуынц, уыцы управленийы разамонæг. Ахæм указ бафыста Сергей Меняйло. Уый тыххæй фехъусын кодтой аппаратон æмбырды. Раздæр Лагкуты Омар уыд Æрæфы районы администрацийы сæргълæууæг. Æмбырды фæнысан кодтой, сæрмагонд цæстдард кæй цæуы, ивгъуыд къуырийы Беслæны 4-фатерон хæдзары зынгсирвæзтæй цы хи хæдзæрттæ хъыгдард баййæфтой, уыдоны цæрджыты бынæттæй æххæст кæныны фарстамæ. Чысыл Малгобекы банывыл кодтой доны фарста. Хъæумæ дон хæццæ кæны сыхаг республикæйæ. Хицауад ма бахæс кодта профилон ведомствæйæн экологон, технологон æмæ атомон цæстдарды федералон службæйы минæвæрттимæ саразын республикæйы трансформаторон дæлстанцæты мониторинг. Иннæ аз 1-æм январæй, Чысыл Малгобекы, ламидæттæй тæссаг кæм у, уыцы зонæты кæй хæдзæрттæ ис, уыцы цæрджыты раивдзысты æдас территоритæм. Сергей Меняйло арæзтады министрадæн бабар кодта банымайын бюджет æмæ æркæсын, Предгорныйы дæр тæссаг зонæйы цы цалдæр хæдзары ис, уыдон æндæр бынатмæ раивыны фарстамæ. 20 милуан сомæй фылдæр уыдысты Цæгат Ирыстоны культурæйы уагдæтты æфтиæгтæ «Пушкины картæтæй» пайдагæнгæйæ. Сергей Меняйло загъта, ацы ахуыры аз программæ фæсивæдæн кæй хъæуы фæпарахатдæр кæнын, уый.
