Баст у Уататы Бибойы райгуырды 85 азимæ
«Легенда, эпоха, вершина». Ахæм сæргондимæ равдыст байгом Национ музейы. Баст у Уататы Бибойы райгуырды 85 азимæ. Советон æмæ уæрæсеаг актер, режиссер, зындгонд артист театры сарæзта 50 сурæтæй фылдæр, ахъазыд 30 кинойæ фылдæры. Сценæйы æрттывта ирд стъалыйау. Цал фæнды азы дæр куы рацæуа, уæддæр рох нæ уыдзæн ирон театрдзауæй. Аивадмæ бахаста æгæрон æвæрæн, æмæ уымæн ис бирæ æвдисæнтæ. Кавказы историйы фыццаг хатт Гергиты Валериимæ Бибо сарæзта фестиваль «Мир Кавказу», æмæ уымæй баиу кодта Кавказы цæрæг æппæт адæмыхæттыты. Равдыст байгом кæныны мадзалы архайдта Дзанайты Ольгæйы зарæггæнджыты къорд. Уазджытæн бацæттæ кодтой Уататы Бибойы архайдимæ кинонывтæ æмæ равдыстытæ. Экспозици ахæсдзæн 15-æм апрелы онг.
