Ног цæстæнгас, артисттæ æмæ музыканттæ сæ куыст бакодтой, равдыст айзæлд æндæр хуызы
Легендарон «Кармен» Мариинаг театры цæгатирыстойнаг филиалы. Æнæуынондзинад, хъæлдзæгдзинад, сæйрагдæр та – уарзондзинад. Хъайтартæн куыд бантыст уыцы æнкъарæнтæ раргом кæнын, уый тыххæй радзурдзæн нæ уацхæссæг Тъехты Элинæ.
Репетициты балетон труппæйы артисттæ архайынц, цæмæй сæ роль æрмæст хъазгæ нæ, фæлæ йæ удæй банкъарой, ууыл. Аив æмæ ныфсджын хъайтартæ… Раст цыма Испанийы балæууынц, уыйау. Занавес байгом æмæ Мариинаг театры филиалы сценæйы артау ссыгъд цымыдисаг равдыст. Алы змæлды æмæ цæстæнгасы дæр ирд æнкъарæнтæ. Адæймагæн уæлдай цымыдисаг у Кармен йæхæдæг. Æмæ, кæй зæгъын æй хъæуы, Кармены роль ахъазын æнцон нæу. Труппæйы солисткæ Виолетта Магомедханова куыд зæгъы, афтæмæй сæйрагдæр уыд сылгоймаджы бамбарын.
Удуæлдай фæллой æмæ алцыдæр рауад. Кармены равдыста, æцæгæдæр куыд уыд, ахæм хуызы. Цымыдисаг æмæ разæнгардгæнæг. Сценæйæ адæймагмæ раст цыма æнкъарæнты уылæн ралæвæрдтой, уыйау. Æнæуынондзинад, хъæлдзæгдзинад, сæйрагдæр та – уарзондзинад. Æмæ ам æрмæст сæрибардзинадмæ уарзондзинады тыххæй нæ дзурынц, фæлæ ма лæгдзинады вдисæн – Хосемæ уарзондзинадыл дæр. Кармены тыххæй мæлæтмæ дæр цæттæ чи у, уыцы нæлгоймагыл. Æппæтæн уарзон сержанты роль Малиты Азæмæтмæ фыццаг хатт не рхауд. Куыд зæгъы, афтæмæй йын репетициты рæстæг зын нæ уыд. Уымæн æмæ йæ хъайтаримæ рагæй зонгæ у.
Мариинаг театры филиал балет «Кармен»-ы ног хуыз фыццаг хатт федта. Ног цæстæнгас, артисттæ æмæ музыканттæ сæ куыст бакодтой. Равдыст айзæлд æндæр хуызы.
Сырæзтызты, æмæ ирон аивадуарзджытæн балæвар кодтой бынтон æндæр æнкъарæнтæ сæ хореографийæ. Хосе æмæ Кармены хсæн цы уарзондзинады уылæнтæ уыд, уыдонæй.
