филиал вгтрк государственная телерадиовещательная компания “Алания”

Мæскуыйы фæстаг фæндараст загътой Адырхаты Светланæйæн. Зындгонд балеринæйы йе нусон фæндагыл арвыстой тыхджын къухæмдзæгъдимæ. Саударæн мадзæлттæ ацыдысты Стыр театры. Уымæн саккаг кодта йæ цард Светланæ. Дзырддзæугæ артисткæйæн фæстаг фæндараст зæгъынмæ æрбацыдысты йæ курдиатæн аргъгæнджытæ, хæстæджытæ, æмкусджытæ. Уыдонимæ стыр театры аивадон разамонæг Уазиты Махар, прима-балеринæтæ Светланæ Захарова æмæ Анастасия Сташкевич, адæмон артист Михаил Лавровский, Мариинаг театры генералон директор æмæ аивадон разамонæг Гергиты Валерий. Сæрмагондæй Мæскуымæ ацыд нæ республикæйы делегаци дæр. Адырхаты Светланæйы бавæрдтой Троекуровы уæлмæрды.