08 декабря 2022, 11:58
Мæздæджы районы сбæрæг кодтой хъуымыхъхъаг национ-культурон æхсæнад «Намус»-ы 30 азы юбилей
Каджын мадзал арæзт æрцыди Хъызлары культурæйы Галуаны
Мæздæджы районы сбæрæг кодтой хъуымыхъхъаг национ-культурон æхсæнад «Намус»-ы 30 азы юбилей. Каджын мадзал арæзт æрцыди Хъызлары культурæйы Галуаны. Архайдтой дзы æрмæст районы цæрджытæ нæ, фæлæ уазджытæ Дзæуджыхъæуæй æмæ Дагестанæй дæр. Бæрæгбон се сфæлдыстадæй саив кодтой хореографион ансамбльтæ æмæ сывæллæтты сфæлдыстадон къордтæ, уыдис дзы цымыдисаг равдыст дæр. Национ-культурон æхсæнад «Намус»-ы минæвæрттæн радтой кады гæххæттытæ æмæ зæрдылдарæн призтæ.
