Педагогты сюжетмæ гæсгæ, сабитæ абалц кодтой аргъæутты дунейы æвзарæн участокмæ
«Æрыгон æвзарæджы скъола»-йы акци æххæст кæнгæйæ, Мæздæджы районы территориалон взарæн къамисы кусджытæ хъомылгæнджытимæ иумæ ахуыртæ сарæзтой Луковскæйы станицæйы рæвдауæндоны. Педагогты сюжетмæ гæсгæ, сабитæ абалц кодтой аргъæутты дунейы æвзарæн участокмæ. Афтæмæй сæхиуыл банкъардтой æвзарæджы бартæ. Хъæлæс кæныны процесс цыди сусæг системæмæ гæсгæ. Чызджытæн æмæ лæппутæн байуæрстой бюллетеньтæ. Алчидæр сæ радта йæ хъæлæс. Æвзарæн къамис, хъæлæстæ банымайгæйæ, фехъусын кодта – Президенты бынатмæ фылдæр хъæлæстæ сæмбырд кодта Бæгъатыр. Фæстейы ныууагъта аргъæутты æндæр персонажты. Ахæм мадзæлттæ аразгæйæ, Уæрæсейы чысыл цæрджытæн фадат ис сæ бæстæ æмæ сæ граждайнаг бартæ хуыздæр базонынæн, – загътой æвзарæн къамисы уæнгтæ.
