03 апреля 2024, 12:21
Муниципалон куыстуат «ВладТрамвай»-ы бавнæлдтой Къостайы проспекты рельсытæ сыгъдæг кæнынмæ
Трамвай ацы маршрутыл нæ цæуы ивгъуыд азы августæй фæстæмæ
Муниципалон куыстуат «ВладТрамвай»-ы бавнæлдтой Къостайы проспекты рельсытæ сыгъдæг кæнынмæ æмæ цалцæг кæнынмæ Турбазæйæ Доны станцæйы онг хайыл. Трамвай ацы маршрутыл нæ цæуы ивгъуыд азы августæй фæстæмæ. Шпалæты иуæй-иу участоктæ нал бæззынц, ныззылын сты, рельсыты *хсæн уæлцъар пыхсыты бын фæцис. Цы уаццæгтæ цалцæггонд цæуынц, уыдонмæ техникæйыл бацæуæн нæй, уымæ гæсгæ кусын хъæуы къухæй. Специалисттæ ивынц зæронд шпалæтæ æмæ раст кæнынц цæлхвæд. Ныртæккæ бынаты кусынц 6 специалисты, архайы техникæйы 3 иуæджы. Куыстытæ кæд фæуыдзысты, уый аразгæ у боныхъæдæй.
