Сæрмагонд æфсæддон операцийы архайы фыццаг бонтæй фæстæмæ æмæ æнтыстджынæй æххæст кæны йе фсæддон хæс
Нæ дарддæры æрмæджы та радзурдзыстæм афицер, дохтыр, Лæгдзинады Ордены кавалер Дарья Сизовайы тыххæй. Сæрмагонд æфсæддон операцийы архайы фыццаг бонтæй фæстæмæ æмæ æнтыстджынæй æххæст кæны йе фсæддон хæс. Йæхи цардыл нæ ауæрдгæйæ, ирвæзын кæны цæф хæстонты. Ныртæккæ Дарья ис сæхимæ, фæлæ та тагъд араст уыдзæн сæрмагонд операцийы зонæмæ.
Уыцы минут дохтыр Дарья Сизова йæ цардыл, стæй арты къæппæджы бахаугæйæ, гæнæн ис, æмæ йæ бон рахизын нал бауыдзæн, ууыл æппындæр нæ хъуыды кодта. Дохтыры æмæ хæстон хæс æппæтæй сæйрагдæр. Куыд зæгъы, афтæмæй фæтарстис, фæлæ æрмæст тохы быдырæй цæф æфсæддонты ракæнын куы бантыст, уый фæстæ.
Æхстыты бын бахауд санитарон автомобиль, Дарья уайтагъд бамбæрста, цы кæнын хъæуы. Иу секунд дæр сафæн нæ уыд. Тæссаг уавæры ныфс æрмæст нæлгоймæгты зæрдæты нæ разыны.
Цæфты эвакуацигæнгæйæ, афицер Сизовайæн бантыст ныдзæвды линийы се *ппæт æфсæддонты цард бахъахъхъæнын. Уый тыххæй хорзæхгонд æрцыд бæрзонд паддзахадон хæрзиуæгæй – Лæгдзинады Орденæй.
Санитарон машинæтыл Сырх Дзуары нысан рагæй нал хъахъхъæны æхстытæй. Ныр эвакуацион автомобиль Украинæйы æфсæддон тыхтæн у сæйрагдæр нысантæй иу, уæдæ рынчындæттыл æмæ госпитальтыл дæр ракетон цæфтæ арæх æрцæуынц. Уымæ гæсгæ медик-сылгоймæйтæн сæ цард тæссаг уавæры ис алы минут дæр.
Мæздæггаг Дарья Сизова у 42-æм мысанæхсæн дивизийы инженерон-саперон батальоны медицинон пункты хицау. Каст фæцис æфсæддон-медицинон академи, службæ кодта Уæрæсейы гæрзифтонг тыхты. Сæрмагонд æфсæддон операцийы зонæйы фыццаг бонтæй ирвæзын кæны цæф хæстонты, хатгай йæхи цард тасы вæййы, афтæмæй.
Психологон зындзинæдтæ æмæ хи хъуырдухæнтæ фæстейы баззайынц, бинонты тыххæй ныхасгæнгæйæ. Дарья йæ хиуæтты зæрдæты æнкъарæнтыл уæлæмхасæнæй ауды.
Дарья фидарæй зоны, адæмæн æххуыс кæнын – йæ царды нысан у. Ныртæккæ сæхимæ ис, фæлæ та тагъд дохтыр араст уыдзæн, сæрмагонд операцийы зонæмæ æмæ та уым тох кæндзæн, алы цæф хæстоны цардыл дæр.
