Егъау интеллектуалон ерысæн ныридæгæн ис регионты хсæн статус, æмæ баиу кодта 150 скъоладзауы онг
Цæгат Ирыстоны Сæргълæууæг Сергей Меняйлойы амындмæ гæсгæ нæ регионы арæзт æрцыд, Сæргълæууæджы Кубок рамбулыны, зонæдты æртыккаг турнир. Егъау интеллектуалон ерысæн ныридæгæн ис регионты хсæн статус, æмæ баиу кодта 150 скъоладзауы онг. Кæд раздæр ерысгæнджытæ архайдтой æртæ къабазмæ гæсгæ, уæд ныр та турниры ис 9 дисциплинæйы. Се хсæн – æрдзон, бæлвырд æмæ гуманитарон наукæтæ. Турниры архайдтой командæтæ Цæгат Ирыстонæй, Стъараполы крайæ, Мæхъæлы æмæ Дагестаны Республикæтæй. Хистæр кълæсты ахуырдзаутæ сæ зонындзинæдтæ равдыстой ахуырадон центр “Вершина”-йы. Зæгъдзыстæм ма уый дæр, æмæ турнир арæзт у курдиатджын фæсивæдæн баххуыс кæнынмæ æмæ регионты хсæн бастдзинæдтæ фидардæр кæнынмæ. Зонадон ерыс бацæттæ кæныны архайдта Уæрæсейаг æхсæнад “Знание”.
