Мариинаг театры филиалы артисттæ гом арвы бын ацагътой цалдæр уацмысы
Культурæйы фæрцы иудзинад. Нæлгоймæгты Алайнаг моладзандоны цур арæзт æрцыди удæнцойдзинадхæссæг музыкæйы концерт. Мариинаг театры филиалы артисттæ гом арвы бын ацагътой цалдæр уацмысы. Хæхты хсæн классикон музыкæмæ байхъуыста не сфæлдыстадон къорд дæр.
Алыхуызæн музыкалон инструментты зæлтæ баиу сты аив хъæлæсы мыртимæ, æмæ афтæмæй хъуысынц хæхбæсты. Удæнцойдзинадхæссæг музыкæ адæймаджы зæрдæйы гурын кæны æвидигæ æнкъарæнтæ. Солисткæ Цхуырбаты Верæйы ныхæстæм гæсгæ, ахæм зын уацмыстæ адæмы размæ рахæссын, се ппæты бон нæу. Уымæ гæсгæ йæхиуыл æнкъары æгæрон бæрнондзинад.
Ацы мадзал адæмæн сси æцæг культурон цау. Республикæйы цæрджытæй æмæ уазджытæй бирæты бафæндыд бæрзонд аивады уацары бахауын. Бирæтæ концертмæ ацыдысты æнæхъæн бинонтæй æмæ къордтæй.
Ацы мадзал арæзт æрцыди Аланийыл дзуæрттæ бафтауыны 1100 азы боны кадæн. Фæлтæрдджын артистты вокалон-симфонион уацмыстæм байхъусынмæ аивадон изæр бабæрæг кодта Дзæуджыхæуккаг æмæ Алайнаг алчыр Герасим дæр.
Концерт арæзт æрцыди Уæрæсейы адæмон артисткæ Гергиты Ларисæйы хъæппæрисæй. Куыд загъта, афтæмæй ацы мадзал хъуамæ бындур сæвæра бынæттон сыгъдæг бынæтты цур чырыстон уацмыстæ зæлыны хорз традицийæн.
