11 октября 2022, 11:35
Национ библиотекæйы байгом сæрмагонд равдыст «Алания. Святое имя твое»
Экспозицимæ хаст æрцыдысты, Аланийыл саргъуыды 1100 азы боны кадæн конкурсмæ ирон нывгæнджытæ цы куыстытæ бацæттæ кодтой, уыдон
Национ библиотекæйы байгом сæрмагонд равдыст «Алания. Святое имя твое». Экспозицимæ хаст æрцыдысты, Аланийыл саргъуыды 1100 азы боны кадæн конкурсмæ ирон нывгæнджытæ цы куыстытæ бацæттæ кодтой, уыдон. Проект æххæстгонд æрцыди археологийы институты, Дзæуджыхъæуккаг æмæ Алайнаг епархийы, культурæйы министрады æмæ меценатты æмархайдæй. Аивадуарзджытæм стыр цымыдисдзинад сæвзæрд Челæхсаты Магрезы, Мæргъиты Таймуразы, Ульяна Гончаровайы, Æхполæтты Æхсарбеджы, Пухаты Вадимы æмæ бирæ æндæр бынæттон нывгæнджыты авторон уацмыстæм. Иууылдæр баст сты Аланийы историимæ. Равдыст ахæсдзæн мæйы кæронмæ.
