Ацы хатт мадзалы архайджытæ систы Дзæуджыхъæуы 39-æм скъолайы активисттæ
Ноджыдæр ма 200 чиныджы æрбахастой скъоладзаутæ æмæ ахуыргæнджытæ, æппæтуæрæсеон акци «Чиныг ме мбалæн» æххæст кæнгæйæ. Ацы хатт мадзалы архайджытæ систы Дзæуджыхъæуы 39-æм скъолайы активисттæ. Сывæллæттæ æрбахастой сæ уарзон аивадон уацмыстæ, цæмæй сæ арвитой се мгæрттæн Донецкы æмæ Луганскы адæмон республикæтæй, стæй Херсоны æмæ Запорожьейы облæсттæй. Алы чиныджы дæр лæппутæ æмæ чызджытæ бавæрдтой фыстæджытæ зæрдиаг арфæтимæ. Уымæй дарддæр ма æрвыстæджы уыдзæн наукон æмæ ахуыргæнæн литературæ дæр. Республикæйы алы районæй скъолатæ къоппытæ рвитынц Дзæуджыхъæумæ. Акцийы активонæй архайынц астæуккаг профессионалон ахуыргæнæндæттæ дæр. Чингуытæ фæхъæздыгдæр кæндзысты Уæрæсейы ног регионты библиотекæты фондтæ. Зæгъдзыстæм ма уый дæр, æмæ мадзал æххæст кæнын райдыдтой 27-æм майы, проект «Бархионтæ сывæллæттæн » æххæст кæнгæйæ. Уыцы мгъуыдмæ нæ республикæйы сæмбырд кодтой 1 мин æмæ 500 чиныгæй фылдæр. Акци саразыныл бакуыста æхсæнадон организаци «Движение Первых».
