Ног объекттыл кусы скульптор Зæнджиаты Таймураз
Остап Бендер æмæ Киса Воробьяниновы скульптурæтæ рæхджы фæзындзысты Дзæуджыхъæуы. Ног объекттыл кусы скульптор Зæнджиаты Таймураз. Зындгонд комбинатор лæудзæн фæндагыл, йæ къухы та 12 бандонæй иу. Авторы бафæндыд ацы сурæтты йæхи цæстæнгас раргом кæнын. Ильф æмæ Петровы роман «12 стульев»-йы сæйраг хъайтартæ уыдысты бæлццæттæ. Сæ фæндаг цыди Дайраны комыл Тифлисы рдæм. Скульптурæтæ фæзындзысты Къостайы проспекты.
Балтайы уæвгæйæ Остап Бендер æмæ Ипполит Матвеевич хæрынц къалбас. Æз дæн бинонты хистæр, æмæ мын æмбæлы фылдæр хæрын, – зæгъы литературон хъайтар. Афтæ фыстой Илья Ильф æмæ Евгений Петров. Ацы фæндагыл Остап æмæ Ипполит цыдысты Тифлисы рдæм, мадам Петуховайы хæзнатæ агурынмæ.
Дайраны комы къæдзæхыл зындгонд комбинатор æмæ уырыссаг демократийы фыд ныууагътой къухфыст – «Киса и Ося были здесь». Экскурситæ аразджытæ куыд дзурынц, афтæмæй ма æрæджыйы онг дæр уыцы фыст уыд фенæн. Литературон хъайтарты официалон маршрут бæлвырд бæрæггонд нæу, фæлæ туристтæ уæддæр уарзынц цæуын ацы рдæм.
Рæхджы Остап Бендеры æмæ Киса Воробьяниновы скульптурæтæ фæзындзысты Дзæуджыхъæуы дæр, Къостайы проспекты. Уыцы сурæттыл кусы скульптор Зæнджиаты Таймураз. Ныридæгæн дæр советон классикæйы амалхъом песронажты базонæн ис. Авторы сæйраг нысан у – фидæны цыртдзæвæнты йæхи цæстæнгас равдисын.
Остап Берта-Мария Бендер-Задунайский æмæ Ипполит Матвеевич сæ бæллицтæм тырнгæйæ. Зынаргъ дуртæ æрттивынц сæ хъуыдыты, раст Хъазыбеджы хохы ихджын сæртæ куыд æрттивынц, афтæ. Иу нысан кæмæн ис, æмæ уголовон кодекс чи нымайы, уыцы фыдгæнджыты сурæттыл скульптор Зæнджиаты Таймураз кусы цымыдисæй.
Остап лæууы афтид бандоныл. Мадам Петуховайы зынаргъ дуртæ дзы нæ разындысты. Афтæмæй концессионертæ дард фæндæгтыл фæцæугæйæ, сæ ных сарæзтой сæ хæдзармæ.
