Дзæуджыхъæуы 26-æм скъолайы сарæзтой сæрмагонд мадзал, уым сын инспектортæ радзырдтой фæндаджы сæрты куыд хизын хъæуы
Республикæйы скъолатæ кусын райдытой æрвылбоны фæткмæ гæсгæ. Уый та ууыл дзурæг у æмæ уынгты фæзынд фылдæр сывæллæттæ. Паддзахадон автоинспекцийы пропагандæйы хайады кусджытæ сын сæ зæрдыл æрлæууын кодтой æдасдзинады сæйраг домæнтæ. Дзæуджыхъæуы 26-æм скъолайы сарæзтой сæрмагонд мадзал, уым сын инспектортæ радзырдтой фæндаджы сæрты куыд хизын хъæуы, дзаумайыл рухсздахæнты ахадындзинады тыххæй, бацамыдтой æндæр зонындзинæдтæ дæр. Стыр æргом аздæхтой сывæллоны машинæйы ласгæйæ æнæмæнг пайда кæнын кæй хъæуы сæрмагонд хæцæн рæттæй. Кæронбæттæн скъоладзаутæн равдыстой видеоæрмæг æмæ сын балæвар кодтой æппæтуæрæсейон газет «Добрая дорога детсва».
