Ацы æмæ æндæр темæтыл æрдзырдтой мыхуыры æмæ дзыллон коммуникациты комитеты пресс-конференцийы
Патриотон хъомылад дзыллон информацийы фæрæзты фæрцы, блогерты медиа-цензурæ æмæ Уæрæсейы ныхмæ информацион хæст. Ацы æмæ æндæр темæтыл æрдзырдтой мыхуыры æмæ дзыллон коммуникациты комитеты пресс-конференцийы. Ведомствæйы сæрдар Фидараты Юрий куыд загъта, афтæмæй абоны уавæрты дзыллон информацийы фæрæзты сæйраг нысан у, традицион хæзнаты пропагандæ. Блогерты информацион цензурæйы тыххæй дзургæйæ, Фидараты Юрий фæнысан кодта, сæ архайдæн хъуамæ уаг лæвæрд кæй цæуа закъонмæ гæсгæ. Дзырдтой, кадртæ кæй нæ фаг кæны, ууыл дæр. Фарста алыг кæныны фæрæзтæй иу у, журналистикæйы факультеты студентты стажировкæ районты газетты. Фидараты Юрий ма фехъусын кодта, ирон æвзаг парахат кæныны тыххæй цавæр куыст цæуы, уый. Комитеты хъæппæрисæй мадæлон æвзагмæ ратæлмац кодтой хуыздæр советон мультфильмтæ æмæ кинолентæтæ. Дзырдтой ма, бæстæйы ныхмæ информацион хæсты тыххæй дæр.
