Уыдон се ппæт дæр архайдтой Мæскуыйы метрополитены тематикон поезд бауадзыны проект «Школа мечты»-йы
Хицауады сæрдары хæдивæг Платы Альбинæ фембæлд Цæгат Кавказы хæххон металлургон институты архитектурон факультеты ахуыргæнджытимæ, стæй 3-4 курсы студенттимæ. Уыдон се ппæт дæр архайдтой Мæскуыйы метрополитены тематикон поезд бауадзыны проект «Школа мечты»-йы. Сергей Меняйлойы номæй вице-премьер фидæны специалисттæн загъта бузныджы ныхæстæ, æмæ сын радта арфæйы фыстæджытæ. Уыдоны аккаг систы архитектурæйы æмæ дизайны кафедрæйы сæргълæууæг Баликъоты Арсенæн æмæ доцент Ирина Ураковайæн. Платы Альбинæ бæрзонд аргъ скодта студентты куыстæн. Фæсивæд сæхи хорз равдыстой Æппæтадæмон равдыст-форум «Россия»-йы. Æрмадзы лæппутæ æмæ чызджытæ бакуыстой сæ проектыл. Дизайн-проект хорзыл банымадтой федералон эксперттæ. Номинаци «За идею дизайна рекреаций» проект нымад æрцыд хуыздæрыл. Æмтгæй райсгæйæ бакуыстой дыууæ проектыл, уыимæ бæрзонд æмвæзадыл.
