Ацы ахуыргæнæндоны студенттæ, аграрон-промышленнон техникумы æмæ педагогон колледжы ахуырдзаутæ ерыс кодтой, фæсивæдон разамонджыты къабазы хуыздæр зонындзинæдтæ кæмæ ис, уый базонынæй
Профессионалон дæсныйады чемпионаты регионалон къæпхæны фæзтæй иу сси Мæздæджы механикон-технологон техникум. Ацы ахуыргæнæндоны студенттæ, аграрон-промышленнон техникумы æмæ педагогон колледжы ахуырдзаутæ ерыс кодтой, фæсивæдон разамонджыты къабазы хуыздæр зонындзинæдтæ кæмæ ис, уый базонынæй. Къуырийы дæргъы фæсивæд сæ разамонджытимæ истой хъæугæ фæлтæрддзинад, зонгæ кодтой фæсивæдон къордтимæ куысты методикæимæ, сывæллæтты фæлладуадзыны сценаритимæ. Фæсивæдон разамонджыты куысты рæстæг арæх пайдагонд фæцæуы æрхъуыдгонд цаутæй, уыдон ахадгæ сты сывæллæтты фенгомдæр кæныны хъуыддаджы, ахæм хуызы сын бамбарын кæнынц бæлвырд хъуыддæгты мидис. Конкурсы къамисы уæнгтæ аргъ кодтой алы хæслæвæрдæн дæр, æмæ афтæмæй æххæст кодтой рейтинджы таблицæ. Уæлахиздзаутæ архайдзысты чемпионат сæхгæныны мадзалы. Ацæудзæн Дзæуджыхъæуы.
